Gjykata e Krujës ka lënë në burg babain dhe dy djemtë e tij të akuzuar si autorët e dyshuar të masakrës së Thumanës ku mbetën të vrarë tre pjesëtarë të familjes Çeku.
Në seancën e sotme, babai Gurali Kora dhe vëllezërit Daniel dhe Besnik Kora, përkatësisht 28 dhe 40 vjeç janë lënë me masën e sigurisë “arrest me burg”.
Ndërkaq Gjykata ka dhënë masën arrest me burg edhe për Shpëtim Nikollin, i cili akuzohet se ka fshehur autorët e krimit. Në kërkim të policisë është edhe djali tjetër i familjes Kora, Pëllumb Kora, edhe ai i dyshuar nga policia si pjesëtar në krim.
