(Update) Guralin Kora, babai i tre personave të dyshuar si autorë për masakrën në Thumanë ka marrë përsipër autorësinë e vrasjeve. AI ka pranuar para policisë se është ai autori i vrasjes së Fran Çekut, Arben Çekut dhe Eno Ramës.
“Vrasjen e trefishtë në Thumanë e kam kryer unë. Kam qëlluar me automatik dhe pistoletë. Djemtë e mi nuk kanë qenë në vendine ngjarjes.” mësohet të ketë thënë Kora.
Tre djemtë e tij, Pëllumb, Daniel dhe Besnik Kora janë shpallur në kërkim si autorë të dyshuar për vrasjen e 3 anëtarëve të familjes Çeku mbrëmjen e së premtes.
Një ditë më parë polica vuri 10 mijë euro shpërblim për personin që do të jepte informacion për vendodhjen e autorëve të masakrës së Thumanës.
Vrasja në Thumanë, arrestohet babai, në kërkim tre vëllezërit
Rreth 48 orë pas vrasjes së trefishtë në Thumanë të Krujës, policia ka arritur të vërë në pranga Gurali Korën, një prej anëtarëve të familjes Kora. Arrestimi i tij erdhi pas një operacioni special gjatë natës nga ana e komisariatit të Kurbinit.
Nuk dihet ende nëse 56-vjeçari Kora është zbuluar gjatë kontrolleve të policisë, apo vendodhja e tij është zbuluar nga ndonjë informacion i dhënë.
Ndërkohë mbeten ende në kërkim tre bijtë e tij, Besnik, Daniel e Pëllumb Kora, ku sipas policisë ata kanë qenë nxjerrë armët, pistoletë e kallashnikov duke hapur zjarr mbi 4 anëtarët e familjes Çeku.
Ditën e djeshme policia vendosi rreth 10 mijë euro si shpërblim për këdo që jepte informacion për vendndodhjen e anëtarëve të familjes Kora.
Ditën e premte, në Thumanë të Krujës, gjatë një konflikti të çastit u vranë 3 persona, Fran Çeku, 79 vjeç; djali i tij Arben Çeku, 44 vjeç; si dhe nipi Eno Rama, 20 vjeç; të 3 banues në Thumanë, dhe duke lënë të plagosur 66-vjeçaren Lucie Çeku.
