Nuk ka patur asnjë konflikt. Naim Mataj, xhaxhai i viktimës Ramazan Mataj i gjetur i pajetë brenda automjetit të tij me breshëri plumbash kallashnikovi, mohon konfliktet, apo problemet që mund të kenë çuar në vrasjen e nipit të tij. Në një deklaratë për mediat dhe thotë se nuk ka pasur asnjë dijeni për rrethanat dhe motivet e kësaj ngjarjeje të rëndë. Sipas tij viktima para një viti e gjysmë ishte kthyer nga Belgjika dhe aktualisht punonte në Ulqin.
Nuk ka pasur asnjë problem, ka jetuar në Dragoç, përpara ka jetuar në Belgjikë. Nuk ka asnjë konflikt nipi. Punonte në Ulqin të Malit të Zi si mjeshtër. Para afro një viti e gjysmë ka qenë në Belgjikë, ndërsa kohët e fundit ka punuar në Malin e Zi. Vëllai i tij ndodhet në Belgjikë. Nuk kanë probleme apo ndonjë konflikt. Janë rritur me vështirësi sepse nuk e kanë patur gjendjen ekonomike. Nuk ka shprehur asnjë shqetësim, ne nuk kemi pasur me askënd konflikt. Punonte në ndërtim mjeshtër në Ulqin. Nuk dimë gjë hiç, nuk kemi pasur asnjë konflikt me kërrkënd”, u shpreh Naim Mataj.
Ai thotë se policia nuk i la të shihnin viktimën dhe bëri thirrje për zbardhjen e ngjarjes.
“Policia nuk na la me pa kufomën ne. Le ti bëjë policia të gjitha gjërat, por ne të na lënë ta shohim”.
Ndërkohë Policisë i ka ardhur në ndihmë qeni i Forcave të Sigurisë Kombëtare të Shkodrës për të gjetur gjurmët e autorëve të dyshuar.
