Policia e Shkodrës ka zbardhur vrasjen e ndodhur ditën e djeshme në qytetin verior ndërsa ka vënë në pranga edhe një nga autorët.
Në pranga ka rënë Akil Gradeci, vjeç 24, banues në Fshati Shkjezë, Bashkia Vau Dejës Shkodër, ndërsa është shpallur në kërkim Eduart Hulej, vjeç 32, banues në Fshatin Plezhë, Bashkia Vau Dejës, Shkodër.
Sipas policisë, këta shtetas dyshohet se në bashkëpunim me njëri-tjetrin, kanë vrarë me armë zjarri për motive të dobëta shtetasin Luigj Gjergji, vjeç 24, banues në Fshatin Pistull, Bashkia Vau Dejës, Shkodër.
Ngjarja ka ndodhur ditën e djeshme, rreth orës 02:10, pranë vendit të qujtur Karburant “Palushaj”, në aksin rrugor Vau Dejës – Bushat , Shkodër.
Materjalet i kaluan Prokurorisë së Rrethit Gjyqësor Shkodër, për vepren penale të “Vrasjes me paramendim e kryer në bashkëpunim”.
