Policia e Tiranës e mbështetur nga forcat speciale të Ndërhyrjes së Shpejtë dhe ato RENEA bënë të mundur arrestimin e shtetasit Emiljano Nina, një prej të dyshuarve për vrasjen e Enton Nikaj, dy ditë më parë në fshatin Linzë të Dajtit.
Nina u arrestua gjatë një operacioni policor të zhvilluar në zonën e Shkozës në periferi të Tiranës, ku personi në fjalë fshihej prej ditës kur kreu krimin e rëndë. Mësohet se gjatë ndalimit, këtij shtetasi i është bllokuar edhe një armë zjarri tip pistoletë, por nuk jepen detaje nëse është e njëjta armë e përdorur për krimi e ndodhur në parkingun e një lokali në Linzë.
Forcat e rendit rrethuan zonën prej mesditës, kur edhe siguruan inforamcione për vendndodhjen e Emiljano Ninaj i cili kosniderohet person me rrezikshmëri të lartë. Nuk ka informacione nëse i arrestuari ka bërë rezistencë ndaj forcave të rendit.
