Një sherr banal mes dy komshinjve ka sjellë vrasjen me thikë të njërit prej tyre, 55 vjeçarit Luan Koprecka. Vrasësi Alban Hyka ishte së bashku me mikun e tij kur ka ndodhur konflikti banal i cili ka degjeneruar në përdorimin e armëve të ftohta. Si pasojë, 55 vjeçari është goditur me thikë në zemër dhe ka vdekur në spital.
TV Klan raporton se autori është ky i ri që duket në foto, identifikuar si Alban Hyka.
Ata të dy kishin pasur një konflikt, që sipas vëllait të viktimës nisi pasi Luani jetonte në katin e dytë të një banese, poshtë se ciles (në katin e parë), i riu kishte hapur një lokal.
Viktima është me origjinë nga Skrapari dhe jetonte prej disa vitesh në Kombinat. 55-vjeçari është goditur me thikë poshtë zemrës, ndërsa ka ndërruar jetë rrugës për në spital.
Vëllai i viktimës tregon shkakun e vrasjes në Kombinat
“Kemi pasur prej kohësh konflikte me autorin, por nuk mendonim se gjërat do arrinin deri këtu”.
Ai ka treguar se konflikti me Alban Hykën ka nisur pasi Luani jetonte në katin e dytë të një banese, në katin e parë të cilës i riu Hyka kishte hapur një lokal.
“Luani jetonte në katin e dytë të banesës. Poshtë kishte një lokal që ishte hapur kohët e fundit. Kemi pasur konflikte për shkak të zhurmave të lokalit. Gjithashtu edhe pasi nga shtëpia e Luanit rridhte ndonjëherë ujë poshtë, për shkak të amortizimit të ndërtesës. Ai jetonte në kushte të vështira ekonomike. Për vrasjen tani e kemi lënë në dorë të shtetit”, ka thënë vëllai i 55-vjeçarit për Televizionin Klan.
