Janë lënë në burg dy personat e dyshuar për vrasjen e dy vëllezërve Haxhia në qytetin e Durrësit.
Gjykata e Posaçme bëri sot vlerësimin e masës së sigurisë për Altin Ndocin dhe Klevis Alla.
Ngjarja tragjike ndodhi në fund të muajit prill të 2020-ës, ku u ekzekutuan me breshëri plumbash vëllezërit Besmir dhe Viktor Haxhia.
Klevis Alla dhe Altin Ndoci, mësohet nga grupi hetimor, u kishin shitur makina të vjedhura vëllezërve.
Më pas, këto makina u jepeshin personave të ndryshëm që kishin interes me qira. Por palët kanë pasur konflikte për pagesat.
Sipas dëshmisë së bashkëpunëtorit të Policisë, Klevis Alla, njëherësh një prej dy autorëve të akuzuar për vrasjet, shkak është bërë mosdhënia e parave për makinat e vjedhura nga ai dhe bashkëpunëtori i tij, Altin Ndoci.
“Jemi një grup që merremi me vjedhje makinash. Makinat i vidhnim e i çonim te servisi i Besmirit dhe pasi u ndryshonim numrin e shasisë, i dërgonim te servisi i Dorjan Shkozës, i cili merrej me lyerje duke u ndërruar ngjyrën makinave”, ka thënë Ndoci.
/e.rr
