Vrasja horror e 67-vjeçarit Petraq Gjika vijon të mbetet ende pa autor, ndërkohë që pista kryesore mbetet ajo e një vrasje për motive banale
Burime të sigurta kanë pohuar se ende nuk është gjetur thika, me të cilën autori ka kryer krimin, edhe pse është krehur një territor i gjerë.
Gjithashtu gjatë mbrëmjes së djeshme policia e Fierit ka shoqëruar 15 banorë të zonës në Komisariat.
Detaje nga krimi horror
Ndërkohë detajet që dalin në dritë janë edhe më të rënda. Mësohet së viktima ka qenë ne kabinën ku qëndronte për të bërë roje, ndërsa ka dalë prej aty pasi ka parë lëvizje. Autori e ka goditur me thikë në zonën e barkut, e në tentativë për tu mbrojtur 67 vjeçari ka ngritur duart, aty ku janë vënë re edhe të tjera shenja të prerjes me thikë. Pasi është siguruar që 67-vjeçari ka ndërruar jetë, autori e ka tërhequr atë deri në afërsi të koshit të mbeturinave, duke mbuluar me plastmasa vendin ku kishte kryer vrasjen e ku ndodhej edhe pellgu me gjak. Dyshimet janë që autori është larguar bashkë më thikën që ka kryer krimin, një mjet prerës më i madh se thika e bukës, është larë në një çezmë pranë rrugës dhe është larguar. Dyshimet janë që autori ka fshehur jo vetëm thikën por edhe rrobat që kishte veshur, pasi mendohet që kanë qenë me shenja gjaku.
Nga ana e policisë janë shoqëruar për tu marrë në pyetje të njohur të 67-vjeçarit, persona me të cilët ai kalonte kohën gjatë momentit që ishte në punë si dhe familjarë të që mund të kenë dijeni për kontaktet e fundit të Gjikës. Në ditët përpara ngjarjes 67-vjecari qëndronte me roje të serave të tjera si dhe çobanë të cilët ruajnë bagëtitë në zonën e Mbrostar Urës.
Më shumë se 15 ka qenë numri i të marrëve në pyetje të cilët pasi kanë dhënë deponimët përkatëse janë lënë të lirë. Nga ana tjetër, sekuestromi i kamerave të sigurisë të serës dhe subjekteve të tjera, pritet të zbulojnë lëvizjet gjatë orëve të natës dhe në të gdhirë, kur u gjet edhe trupi i pajetë. Ky i fundit u zbulua nga roja i një tjetër sere, i cili ka njoftuar edhe policinë e Fieri se ka parë të vdekur 67 vjecarin Gjika.
/e.d
