Mediat greke kanë publikuar dëshminë e plotë të 19-vjeçarit shqiptar Aleksandër L., i përfshirë në vrasjën e students 21-vjeçare në ishullin e Rodosit, Eleni Topaloudi.
Në dëshminë e tij, shqiptari tregon me detaje mënyrën se si ishte njohur me 21-vjeçaren dhe se si e vrau në bashkëpunim me shokun e tij me iniciale M.K.
”E njoha Elenin rreth një javë para vrasjes. Më pa në rrugë, më buzëqeshi. Iu afrova dhe shkëmbyem llogaritë e Facebook-ut. Të nesërmen dolëm për një shëtitje në breg të detit, pimë disa birra dhe shkuam në shtëpi.”
Më pas 19-vjeçari tregon lidhur me natën e krimit dhe se si në bashkëpunim me 21-vjeçarin grek vranë Elenin.
“E ftova në shtëpinë e shokut tim M.K., e kishte takuar një ditë më parë. Kur vajtëm në shtëpi, M.K. e kërcënoi duke i thënë se nëse nuk kryente marrëdhënie seksuale me të nuk do të dilte nga shtëpia. Ajo refuzoi. Ne kishim pirë shumë vodka dhe nuk më kujtohet mire skena por mbaj mend se ajo tha që do të na denonconte. M.K. e goditi me një grusht dhe unë i mbajta duart e saj, pastaj M.K. e goditi me një hekur elektrik në kokë. Pastaj u tmerruam.”
Më tej, Aleksandri tregon momentin se si e kanë hedhur të renë nga shkëmbi pasi e kujtuan të vdekur.
“Eleni ishte gjallë. Doja ta fusja në makinë dhe ta çoja në spital, por M.K. e çoi në një pikë të lartë me shkëmbinj dhe tha: “Le ta heqim qafe.” Pastaj shkuam në shtëpi dhe u përpoqëm që të pastronim vendin me leckë. Pastaj u kthyem në të njëjtin vend ku e hodhëm vajzën dhe hodhëm edhe sendet e saj personale, si dhe hekurin elektrik me të cilin u godit nga M.K”
E reja greke u godit me një elektrik hekuri në kokë pasi refuzoi kërkesën e dy të rinjve për të kryer marrëdhënie seksulae me ta në shtëpinë e njërit prej tyre. Pasi e goditën me një shufër hekuri pas kokës, të rinjtë e hodhën vajzën në det pasi e pandehën të vdekur. Por sipas raportit mjeko-ligjor e reja vdiq nga mbytja dhe jo nga goditja pas koke. Ditën e djeshme mediat greke postuan një video nga momenti i takimit mes 19-vjeçarit shqiptar dhe Eleni Topaloudit në natën fatale të 27 nëntorit.
a.çupaj
