Nesër mbushen plot 22 vite nga rrëmbimi, masakrimi dhe zhdukja e biznesmenit shqiptaro-maqedonas Remzi Hoxha. Deri më tani nuk është gjetur asnjë gjurmë e eshtrave të tij, dhe familja është që prej asaj kohe në kërkim të një varri për të.
Gjatë gjithë kësaj kohe, është akuzuar pafund ish presidenti, ish kryeministri dhe ish kreu i PD Sali Berisha, që përmes SHIK-ut të Gazidedes ka zhdukur veprimtarin shqiptaro-maqedonas për çështjen kombëtare.
Asnjë prej pjestarëve të SHIK nuk është arrestuar, ndërkohë që fati i tyre ka qënë tragjik.
Bashkim Gazidede, ish kreu i SHISH u nda në mënyrë misterioze nga jeta pas kthimit në Shqipëri, të tjerë janë në arrati, janë në çmendinë dhe në gjendje koma.
Por familjarët e Remzi Hoxhës nuk harrojnë dhe bëjnë një kujtesë për drejtësinë shqiptare, pikërisht në 22 vjetorin e zhdukjes nga SHIK-u i Gazidedes.
“Më 21.10.2017 bëhen 22 vite nga rrëmbimi yt – babai ynë i dashur dhe i madhi Remzi Hoxha! Të kujtojmë gjithmonë!
Me dashuri dhe mall, Familja yte”, shkruan familja e Remzi Hoxhës në profilin e tij, që mbahet hapur po nga familja. /ma.me
