Si rezultat i hetimeve intensive, provave të mbledhura në vendin e ngjarjes dhe bazuar në informacionet e siguruara nga inteligjenca policore, grupi hetimor ka identifikuar dhe shpallur në kërkim 1 shtetas të dyshuar si autor të vrasjes së 57-vjeçarit Pjetër Kaza në Tale të Lezhës.
Nga hetimi intensiv dyshohet se shtetasi G. A. (për shkak të hetimeve nuk bëjmë me dije të dhëna të tjera) ka qëlluar me armë zjarri automatike në drejtim të shtetasit Kaza., në momentin që ai kishte zbritur nga makina për të hapur portën e banesës, për të hyrë në banesë. Për pasojë 57-vjeçari ka humbur jetën në vendin e ngjarjes.
