Makina e perdorur nga vrasesit e Hyqmet Nexhipit, pronarit të anijes në Vlorë dhe që më pas u gjet e djegur, ishte e vjedhur.
Pronari Benzit me targë DR 4863 B e kishte denoncuar katër ditë me parë. Nga ajo makinë në drejtim të tij është qëlluar nëntë herë, 4 nga plumbat prekën trupit.
Në vendin e ngjarjes u gjetën dy gëzhoja, kurse në makinën e djegur shtatë gëzhoja automatiku. Sulmi me armë i është bërë në ecje nga ana e timonit, kurse dy plumba nga xhami përballë. Për ekspertët kjo tregon se autorët e donin me patjetër të vdekur.
Në Prokurorinë e Vlorës mësohet se hetimet që po kryesohen nga Skënder Dauti, kanë një shtrirje të gjerë. Kjo për shkak të aktivitetit të viktimës 52 – vjeçarit, Hyqmet Nexhpi dhe jetës private të tij.
Në dosje, hetuesit kanë shënuar tre martesat e Hyqmet Nexhipit, çka duket se njëra pistë e hetimit ka të bëjë pikërisht me konfliktet e tij të mundëshme nga këto martesa.
12 vjet me parë ai u divorcua nga gruaja e parë me të cilën pati dy fëmijë, njëri Olsi Nexhipi, i cili u arrestua për armëbajtje pa leje dhe trafik droge menjëherë pas vrasjes.
Martesa e dytë u lidh në Itali me gruan e një shoku të tij, prej së cilës lindi një vajzë, ndërsa bashkëshortja kishte me vete dy fëmijët e saj.
Martesa e tretë ndodhi në Greqi, por së fundi çifti jetonte në Vlorë, raporton Klan. Në fashikullin tjetër hetimor bëhet fjalë për aktivitete të paligjshme, për dyshime se Nexhipi ishte përfshirë në trafik droge dhe për prostitucion.
