Qeveria e Kosovës ka dërguar një komunikatë ku shkruan se po përcjell zhvillimet e fundit rreth liderit të ISIS-it për grupin e Ballkanit, Lavdrim Muhaxheri, për të cilin është raportuar se është vrarë – çka e ka konfirmuar edhe familja e tij në Kosovë.
“Qeveria e Republikës së Kosovës po i përcjellë nga afër zhvillimet pas njoftimeve për vrasjen e terroristit famëkeq Lavdrim Muhaxheri”, thuhet në komunikatën e Qeverisë, pa lënë shumë të kuptohet se cilat janë ato vëzhgime që po i bën qeveria.
Me këtë rast, Qeveria rikonfirmon qëndrimin e saj të paluhatshëm për të luftuar intensivisht dhe në mënyrë të vendosur çfarëdo ekstremizmi të dhunshëm dhe terrorizmin”.
“Qeveria u bën thirrje qytetarëve të Republikës së Kosovës që të respektojnë dhe kultivojnë karakterin multikonfesional të Republikës së Kosovës”.
Në komunikatën s’ikën pa u përmenduar fakti se Qeveria e Kosovës është partner i përkushtuar dhe i fuqishëm i koalicionit anti-ISIS”.
“Qeveria nuk do të tolerojë asnjë përpjekje apo tendencë nga qytetarët e saj për radikalizim dhe bashkëngjitje në luftëra të huaja”./Klan Kosova
