Një ngjarje e rëndë tronditi Shqipërinë më 31 dhjetor. Përparim Ademi vrau me armë zjarri dy motrat Kristina Bardhin dhe Zhaneta Metanin në banesën e tyre në “Astir”. Por më i rëndë është fakti që ngjarja ndodhi në sytë e Anxhelos, djalit 14 vjeçar të Zhanetës dhe Përparimit.
Në një intervistë për “Shqipëria Live”, Anxhelo ka treguar me detaje se si ndodhi krimi i dyfishtë.
Anxhelo tregoi se fillimisht Përparimi ka vrarë mamanë e tij dhe më pas ka qëlluar për vdekje edhe tezen.
Më pas rrëfen pamje nga shtëpia, ku tregon flokët e mamasë së tij. “Janë flokët e mamasë time që kanë dalë së bashku me kafkën, është pjesë e kafkës së mamasë. Nuk e kontrolloja dot vetën, vrapova drejt frigoriferit. Unë u fsheha te frigoriferi, ai u ul dhe mbajti armën e tij në fyt dhe donte të vriste veten. Mesa duket ka dashur që të më trembë mua”, përfundon 14-vjeçari.
Si ndodhi ngjarja?
Ishte një tmerr i vërtetë, munda të shikoja çdo gjë që ndodhi. Ra zilja shkova për të parë te syri dhe shikoj një me kapuç, që ishte nipi i tij dhe më pas tezja ime çohet nga tavolina dhe më thotë largohu nga dera, hap derën dhe në moment donte ta mbyllte, por nuk kishte forcë, e ndihmova të mbyllte derën. Ai kishte hyrë brenda, ishte shumë vonë.
Kishte armën, qëlloi me breshëri ndaj mamasë time, thjesht i ra në breshëri, gati shumicën i ka ngrënë tezja ime, ndërkohë që mamaja ishte e vdekur, pa puls në vend, ai vazhdonte të qëllonte, siç e shikoni nga vet faktet, vendi ishte plot me gjak. Ra në tokë e vdekur, gjithashtu edhe tezja ime. Janë flokët e mamasë time që kanë dalë së bashku me kafkën, është pjesë e kafkës së mamasë. Nuk e kontrolloja dot vetën, vrapova drejt frigoriferit. Unë u fsheha te frigoriferi, ai u ul dhe mbajti armën e tij në fyt dhe donte të vriste veten. Mesa duket ka dashur që të më trembë mua
A pate ndonjë bashkëbisedim me autorin?
Jo nuk pata, ai ishte gjaknxehtë, nuk kishte emocione në fytyrë, thjesht i tmerrshëm, i frikshëm.
Shkëmbyen ndonjë fjalë me tezen dhe mamin?
Ishte thjesht veprim, hyri në derë dhe mbaroi punë. La armën e zjarrit aty dhe u largua. Në atë foto ndodhet tezja ime që vdiq dhe mamaja ime, dhe është autori që kreu vrasjen.
/a.r
