Një 36-vjeçar shqiptar është arrestuar në Britani pasi dyshohet se është përfshirë në vrasjen e mësueses Sabina Nessa disa ditë më parë në qytetin e Beckenham.

Sipas mediave britanike, ai punonte në një restorant dhe shpërndante ushqimet me makinë. Aktualisht 36-vjeçari Koçi Selamaj po merret në pyetje lidhur me ngjarjen.

Efektivët e policisë aktualisht ndodhen në apartamentin e tij ku po kontrollojnë nëse gjejnë ndonjë gjurmë që e implikon shqiptarin në vrasje.

Gjithashtu hetuesit kanë marrë në pyetje fqinjët e 36-vjeçarit të cilët janë shprehur se ai ishte një njeri i qetë dhe i punës.

“Ai është shqiptar. Nuk e kam parë për një muaj, vinte shpesh në dyqanin tonë për të blerë produkte. Ishte një person i padëmshëm, gjithmonë e mbante kokën ulur kur ecte” ka thënë një prej fqinjëve.

36-vjeçari është i arrestuari i tretë lidhur me vrasjen e mësueses. Dy personat e tjerë janë duke u hetuar në gjendje të lirë.

Sabina Nessa është gjetur e vdekur në prakun Crator, vetëm pak metra larg shtëpisë së saj më datë 17 shtator. Nga këqyrja e kamerave të sigurisë rreth zonës, ajo është parë teksa ka dalë nga shtëpia në orën 08:30.

Trupi i mësueses u gjet e mbuluar me gjethe dhe ka qenë një qen policie që e ka gjetur. Autoritetet po punojnë për të identifikuar autorin dhe nëse ai ka lidhje me Sabinën.

Te tjera per ngjarjen

Panorama.al ka zbuluar foton e Koçi Selamajt, 36-vjeçarit shqiptar që është arrestuar në Britani, pasi dyshohet të ketë vrarë një mësuese në qytetin e Beckenham.

36-vjeçari i lindur në qytetin e Elbasanit po merret aktualisht në pyetje në lidhje me ngjarjet.

Mediat britanike raportojnë se ai punonte në një restorant, ku shpërndante ushqime me makinë.  Efektivët e policisë aktualisht ndodhen në apartamentin e tij ku po kontrollojnë nëse gjejnë ndonjë gjurmë që e implikon shqiptarin në vrasje. 36-vjeçari është i arrestuari i tretë lidhur me vrasjen e mësueses.

Dy personat e tjerë janë duke u hetuar në gjendje të lirë. Kujtojmë që Sabina Nessa u gjet e pajetë në parkun Crator, vetëm pak metra larg shtëpisë së saj më datë 17 shtator.

Nga këqyrja e kamerave të sigurisë rreth zonës, ajo është parë teksa ka dalë nga shtëpia në orën 08:30. Në dëshminë e dhënë nga fqinjët në polici, ata shprehen se shqiptari ishte njeri i qetë dhe punëtor.

Mediat britanike kanë zbuluar detaje të rënda mbi skenën e ngjarjes, ku raportohet se trupi i mësueses u gjet e mbuluar me gjethe dhe u gjet përmes një qeni policie.

Panorama