Prokuroria e Krimeve të Rënda ka nisur hetimet per planin e operacionit dhe vrasjen e komandantit të FNSH së Shkodrës Simon Gjeta. Burime pranë organit të akuzës thanë se do të verifikohet nëse policia ka pasur plan operacional te posaçëm dhe nëse e ka zbatuar atë për të ndërhyrë në banesën ku fshihej Arishta.
Ngjarja e rëndë e kishte pikënisjen nga një konflikt verbal mes Arishtës
dhe një 21vjeçari për gardhin që ndante shtëpitë e tyre. 56vjeçari qëlloi ndaj të riut duke e lënë të
plagosur ndërkohë që për ngjarjen u njoftuan forcat policisë së Komisariatit Shkodër.
Keto te fundit shkuan në vendngjarje për të arrestuar autorin e plagosjes se te riut. Fillimisht banorët e
zonës u thane uniformave blu se ruzhdi arishta kishte edhe çrregullime mendore.
Për këtë shkak u kërkua ndihma e Forcave të Ndërhyrjes së Shpejtë dhe pas mbërritjes ne vendin e
ngjarjes komandanti Simon Gjeta u fut menjëherë në portën e banesës duku u përballur me breshërinë e
plumbave. Plagët e renda i shkaktuan atij vdekjen.
Një Prokuror i Krimeve të Rënda mbërriti në Shkodër, ndërkohë që pjesë e veprimeve procedurale do të
jenë edhe detajet operacionit në të cilin forcat speciale RENEA eliminuan 56vjeçarin.
