Gjykata e Lartë ka lënë në fuqi dënimin përjetë ndaj Arben Frrokut, i akuzuar për vrasjen e kryekomisarit Dritan Lamaj në vitin 2013.
Mësohet se gjykata nuk e ka pranuar rekursin e bërë nga mbrojtja pas vendimit të Apelit të Krimeve të Rënda.
Arben Frroku kërkonte pafajësi, teksa argumentonte se ishte dënuar padrejtësisht për vrasjen e kryepolicit Dritan Lamaj.
Frroku aktualisht ndodhet në qeli në Holandë në pritje të ekstradimit. Ai u kap në Schiphol me pasaportë greke të falsifikuar me emrin Renato Çepa.
Më 24 shkurt të vitit 2013, kryekomisari i Policisë Dritan Lamaj, 41 vjeç, u vra me kallashnikov ndërsa ndodhej në makinën e tij Lancia.
Autorët e larguan me një makinë BMW të blindurar, automjet në të cilin u gjetën shenjat e gishtërinjve dhe fije floku të biznesmenit Arben Frroku. Vrasja e kryekomisarit në Tiranë ishte treta e një zyrtari të Policisë në tetë muaj./a.m.
