Kryetari i Partisë Demokratike, Sali Berisha, ka reaguar në rrjetet sociale pas raportimeve për vrasjen e diktatorit iranian, Ayatollah Khamenei, nga një bombardim i aviacionit amerikano-izraelit.
Në deklaratën e PD-së, Berisha e cilëson këtë ngjarje si një lajm të mirë jo vetëm për popullin iranian, por edhe për të gjithë njerëzit e lirë në botë.
Deklarata e plotë:
Lajmet tashmë nga shumë burime konfirmojnë vrasjen e diktatorit mizor të Teheranit, Ayatollah Khamenei nga bombardimi i bunkerit të tij nga aviacioni Amerikano-Izraelit. Ky është një lajm i mirë jo vetëm për kombin iranian, por për mbarë njerëzit e lirë në mbarë botën.
Urojmë që pas vrasjes së tij dhe eliminimit të dhjetëra zyrtarëve të tjerë të regjimit teokratik të Ayatollahëve, populli iranian të fitojë lirinë e mohuar për dekada nga ky regjim.
