Presidenti amerikan, Donald Trump autorizon sot publikimin e ardhshëm të mijëra dokumenteve të reja për vrasjen e John F. Kennedy të ruajtura sekrete prej dekadash, që mbajnë misterin rreth vrasjes së tij.
“I kushtëzuar nga marrja e informacioneve të reja, unë do të autorizoj në rolin e presidentit, që DOSSIERS JFK për një kohë të gjatë të bllokuara dhe të klasifikuara si top sekret do të hapen”, postoi një mesazh në Twitter Donald Trump në fillim të mëngjesit.
Pesë milionë dokumente përafërsisht në lidhje me vrasjen e John F.Kennedy, kryesisht me burim nga shërbimet sekrete, të policisë dhe të Ministrisë së Drejtësisë të ruajtura në Washington prapa mureve të Arkivave Kombëtare. Pjesa më e madhe, 88 për qind janë publikuar tashmë për publikun, sipas këtij instituti dhe 11 për qind u publikuan pasi ishin të ndaluara.
Të enjten, 3.100 dokumeta të pa zbuluara më parë për publikun e gjerë kanë gjasa të publikohen së fundmi, referuar mediave amerikane, si dhe versioni i plotë i dhjetëra mijëra dokumenteve që ishin censuruar më parë.
Moment që ka lënë gjurmë në historinë e SHBA, vrasja më 22 nëntor 1963 të presidentit të ri në Dallas, në Teksas që ushqen prej dekash teoritë e konspiracionit, disa kanë dyshime se vrasësi, Lee Harvey Oswald, të ketë qenë i vetmi përgjegjës.
Teori konspiracioni që kanë rimarrë një tjetër drejtim pas daljes së filmit “”JFK” të Oliver Stone në 1991. Përballë debatit publik atëherë i dhjetëfishuar, një ligj i nënshkruar në 1992 parashtronte publikimin e të gjithë këtyre dokumenteve, duke u ruajtur nën vulën e një pale mes tyre deri në datën përfundimtare të 26 tetorit 2017.
Presidenti amerikan duhet ende të vendosë për të ruajtur disa sekrete, për çështje të sigurisë.
Duke cituar anëtarë të administratës, gazeta Politico kishte paraqitur që prej së premtes se Donald Trump ishte nën presion, kryesisht të CIA, për të bllokuar publikimin e disa prej këtyre dokumenteve, veçanërisht ato që datojnë nga vitet 1990 pasi mund të ekspozojnë agjentë dhe informatorë të CIA dhe të FBI ende në marrëdhënie pune./a.m.
