Prokuroria pranë Gjykatës së Shkallës së Parë të Juridiksionit të Përgjithshëm Elbasan ka përfunduar hetimet dhe dërgon në gjyq shtetasin Donald Hoxha për veprën penale “Vrasje me paramendim ”të ish-efektivit të policisë së Elbasanit.
Ekzekutimi i ish-oficerit të Policisë, Roland Rexhepi i njohur me nofkën ” DODA” u realizua mëngjesin e 23 korrikut të vitit 2009.
Ai mbeti i vdekur në vend, pasi ndaj tij u qëllua me breshëri nga dy armë zjarri të llojit automatik, duke i shkaktuar vdekjen e menjëhershme.
Prokuroria pranë Gjykatës së Shkallës së Parë të Juridiksionit të Përgjithshëm, Elbasan përfundoi hetimet dhe dërgon në gjyq shtetasin Donald Hoxha i akuzuar për veprën penale “Vrasja me paramendim” kryer në bashkëpunim.
Në kuadër të hetimeve mbi procedimin penal nr.833/3 të vitit 2009, prokuroria arriti në përfundimin se shtetasi në fjalë ka kryer veprën penale “Vrasja me paramendim” e kryer në bashkëpunim, parashikuar nga neni 78/a dhe 25 i Kodit Penal ndaj viktimës Roland Rexhepi ,ish-efektiv i policisë i vrarë në vitin 2009.
Prokuroria pranë Gjykatës së Shkallës së Parë të Juridiksionit të Përgjithshëm, Elbasan vijon hetimet në lidhje me zbulimin dhe identifikimin e bashkëpunëtorëve të tjerë të mundshëm në lidhje me këtë ngjarje të bujshme.Vrasja e “DODËS” së antidrogës së policisë së Elbasanit është një ndër ngjarjet e bujshme që ka pasoi një seri vrasjesh në Elbasan në 2 dekadat e fundit.
Grupi hetimor përbëhet nga Prokurorët, Kreshnik Ajazi, Xhelian Seferi, Glenda Zeneli.
