Një ngjarje e rëndë ka tronditur ditën e sotme Italinë, ku një shqiptar vrau me thikë gruan e tij.
Ngjarja ndodhi në Udine, Itali, ku Dritan Sulollari masakroi me thikë bashkëshorten Migena Këllezi, në sy të fëmijës.
Lidhur me këtë vrasje, ka reaguar ashpër ministri i Brendshëm i Italisë, Marco Minniti.
“Sot në Gradisca d’Isonzo një burrë vrau me thikë gruan në sy të fëmijës 8-vjeçar. Jemi përballë një fenomeni veçanërisht shqetësues dhe të papranueshëm. Nga akte të tillë dhune është në lojë civilizimi i vendit. Nuk duhet ta ulim kurrë vigjilencën për të reaguar”., -deklaroi ai. /a.m.
