Ish-ministri i Drejtësisë Eduard Halimi ka reaguar përmes një statusi në rrjetet sociale në lidhje me ngjarjen e rëndë ku u vra gjyqtarja e Shkodrës Fildes Hafizi nga ish-bashkëshorti i saj.
Halimi e vlerëson hafizin si një magjistratë të shkëlqyer dhe të ndershme por dhe nënë e përkushtuar.
Nga ana tjetër deputeti kërkon analizë të situatës pasi gjyqtarja u vra edhe pse ishte me urdhër mbrotjeje.
STATUSI I HALIMIT
I tronditur nga vrasja makabre e gjyqtares Fildez Hafizi. Ajo ka qenë një magjistrate e shkëlqyer, një gjykatëse e re në profesion por e ndershme dhe e përkushtuar, nënë e 2 fëmijëve.
Vrasja e një gjykatëse me urdhër mbrojtje siç raportojnë mediat përveçse tronditëse kërkon analizë për ekzekutorët e urdhrit të mbrojtjes por padyshim ndëshkimin më të ashpër ndaj ekzekutorit të Fildez Hafizit. Krime të tilla makabre kërkojnë ndëshkim të ashpër ndaj kemi pasur të drejtë kur ndryshuam Kodin Penal 5 vjet më parë duke vendosur dënime maksimale për këta mostra vrasësish. Ngushëllimet më të thella për familjen, fëmijët dhe të afërmit.
