Ndërsa gjyqtarja e Gjykatës së Shkodrës që u vra dje padrejtëshit nga ish-bashkëshorti përcillet sot në banesën e fundit, zbulohen tre pika të errëta të vendimit të gjykatës së Kavajës, më 28 prill 2016, të cilat ndihmuan Fadil Kasemin, tregtarin e fuqishëm në “tregun çam” që të lirohej në 14 janar të vitit 2017, shkruan BW
Ngjarja e vitit 2015-të kur Fadil Kasemi tentoi ta vriste ish-bashkëshorten gjyqtare në një restorant në Golem nuk u klasifikua si tentativë vrasje, por për “mbajtjen pa leje të armëve luftarake” dhe të “dhunës në familje”.
Ish-bashkëshorti i gjyqtares u dënua për “armëmbajtje pa leje” që dënohet nga 1 deri në 5 vjet burg, dhe jo si “arëmbajtje pa leje në makinë apo ambiente puvblike që dënohet nga 7 deri në 15 vjet burg.
Një tjetër lehtësi që çoi në lirimin e Kasemit ishte fakti që ka disa familjarë të papunë, ndërkohë që rezulton se është tregtar i fuqishëm dhe ka një dyqan të tijin tek “tregu çam”.
Të gjitha këto bënë që ish-bashkëshorti i gjyqtares të përfitonte nga amnistia dhe të lihej i lirë.
Pas krimit të rëndë, 53-vjeçari rrezikon burgim të përjetshëm. Fadil Kasemi do ulet përballë gjykatësve në Krimet e Rënda për të pritur dënimin.
Prokuroria ‘hodhi në kosh’ denoncimin e gjyqtares
3 muaj përpara se Fildes Hafizi të kërcënohej me armë në plazhin e Golemit, ajo kishte bërë denoncim në Prokurorinë e Tiranës kundër ish-bashkëshortit të saj, Fadil Kasemit, por në mënyrë arbitrare organi shpërfilli këtë procedim.
Report tv mëson se në prill të 2015, Hafizi kishte denoncuar ish burrin për dhunë e kërcenim me armë, por me një vendim të çuditshëm më 13 prill të 2015 prokuroria refuzoi këtë procedim. Sipas Prokurorisë, Fadil Kasemi ka pasur një pistoletë të cilën e ka nxjerrë nga xhepi, por pa kryer veprime të më tejshme, dhe për këtë është vendosur mosfillimi i procedimit penal.
3 muaj më vonë në korrik të 2015 në plazhin e Golemit, Fadil Kasemi tentoi të vriste ish gruan e tij, por ndërhyrja e kohë e disa plazhistëve dhe stafit të një lokalit i shpëtoi jetën gjyqtares. E gjithë skena ka ndodhur përpara të fëmijëve të mitur të Fildes Hafizit dhe ish bashkëshortit të saj Fadil Kasemi.
