Një automjet i djegur është gjetur në afërsi të fshatit Fushë Gjormë të Kurbinit.
Sipas asaj që bën të ditur gazetari i Klan News Martin Marku mjeti dyshohet të jetë përdorur nga autorët e vrasjes së 64-vjeçarit Gjovalin Prendi.
Gjovalin Prendi, 64-vjeçari u ekzekutua mbrëmjen e kësaj të enjte në fshatin Pllanë të Lezhës. Viktima ndodhej në ambientet e bar-kafesë në pronësi të tij, kur është qëlluar me breshëri plumbash nga persona ende të paidentifikuar.
Kujtojmë se djali i Gjovalin Prendit, Roan Brahimi, u qëllua në sy të gruas dhe fëmijës së mitur më 9 Maj në kryeqytetin grek.
Emri i Roan Brahimit ishte i njohur për drejtësinë shqiptare. Ai njihej si rivali i Ervis Martinajt dhe akuzohej si i përfshirë në atentatin ndaj Ylli Brahimit, ku mbeti i vrarë Klisman Preçi.
Roan Brahimi ishte në kërkim policor edhe për ekzekutimin e Brilant Martinajt dhe miqve të tij, në mbikalimin e Fushë-Krujës, më 17 Korrik 2022.
Pse ekziston ShISh? Ky gangsterizëm rrezikon Shqipërinë. Ligji dhe ShISh të punojnë për zhdukjen e gangsterizmit sepse rrezikon jo vetëm turizmin, bazën e zhvillimit të Shqipërisë.