Një ngjarje e rëndë kriminale ndodhi mbrëmjen e së enjtes në fshatin Pllanë të Lezhës. Autorë të paidentifikuar qëlluan për vdekje me breshëri plumbash 64-vjeçarin Gjovalin Prendi, banues në këtë zonë.
Krimi u regjistrua rreth orës 20:00 brenda lokalit në pronësi të viktimës, në anë të rrugës nacionale Lezhë-Milot, në afërsi të Urës së Matit.
Gazetarja dhe autorja e emisionit “Gjërat Tona” në ABC News, Etleva Delia, tha se krimi ishte i paralajmëruar.
Ajo theksoi se nuk përjashtohet as versioni, që ngjarja e Lezhës të ketë lidhje dhe me atentatin në Lundër.
“Ngjarja ishte e paralajmëruar pasi më herët iu bënë dy atentate. Nuk përjashtohet që ngjarja e Lezhës të këtë vijuar edhe në Lundër, pavarësisht se autorët mund të jetë ngatërruar shënjestra”, tha ajo.
Ndaj Gjovalin Prendit, ishin organizuar edhe dy sulme të tjera, njëri me eksploziv dhe me një tjetër armë zjarri. Në të dy rastet, pati dëme materiale dhe jo të lënduar
