UKRAINE – Kryeministri i Ukrainës, Volodymyr Groysman, ka akuzuar Rusinë se qëndron prapa vrasjes së gazetarit rus Arkady Babchenko në Kiev.
“Kam dyshimet e mia se makineria totalitare ruse nuk fali qëndrimet e tij parimore dhe të ndershme,” shkruan kryeministri në Facebook.
Kritik i Kremlin, Babchenko u qëllua për vdekje në dalje të apartamentit të tij të martën.
Rusia ka bërë thirrje që të nisin hetimet por u shpreh se “krimet e përgjakshme” janë bërë rutinë e e regjimit të Kiev.
Marrëdhëniet mes Rusisë dhe Ukrainës mbeten të tensionuara pas aneksimit të Krimesë nga Putin në vitin 2014.
Sipas policisë ukrainase, Arkadiy Babchenko është gjetur i vrarë në banesën e tij nga bashkëshortja, ndërsa ende nuk dihen autorët, raporton Russia Today.
Ai është dërguar me ambulancë në spital, por nuk ka arritur t’i mbijetojë plagëve. Policia hedh poshtë versionin e vetëvrasjes dhe dyshon se gazetari është vrarë për shkak të detyrës.
44-vjecari ishte një ish-ushtar rus i cili luftoi në Çeçeni dhe u bë një kritik i ashpër ndaj veprimeve ushtarake të Kremlinit në Ukrainë.
a.ç
