Elena Del Pozzo, vetëm 5 vjeçe u vra nga nëna e saj në Mascalucia me shtatë goditje me thikë në qafë, në vesh dhe në shpatull.
Vrasja tronditi qytetin prej tridhjetë mijë banorësh në shpatet jugore të Etnës, ndërsa për ngjarjen u arrestua pas rrëfimit të krimit nëna e vogëlushes, Martina Patti.
“E çova Elenën në këtë fushë dhe e lëndova. Nuk e mbaj mend mirë pse, u ktheva pas dhe nuk doja që ta shihja.” Kështu është shprehur 23-vjeçarja Martina Patti ndërsa rrëfente vrasjen e vajzës së saj 5-vjeçare, para hetuesve në Katania.
Po ashtu, gjykatësi nënvizon se Martina nuk tregoi asnjë shenjë pendese.
“Ajo sajoi rrëmbimin me qartësi ekstreme dhe nuk tregoi asnjë shenjë pendimi. Të gjithë elementët tregojnë një paskrupulltizëm të veçantë, pandjeshmëri, mungesë absolute e pendesës.”
/e.d
