Operatori i SHpërndarjes së Energjisë Elektrike ka reaguar pas vrasjes së një elektriçisti të saj në krye të detyrës. Nëpërmjet një deklarate për mediat OSHE ngushëllon familjen e viktimës ndërsa i kërkon autoriteteve zbardhjen e shpejtë të ngjarjes dhe dënimin maksimal të autorit të krimit të rëndë.
“Operatori i Shpërndarjes së Energjisë Elektrike shpreh ngushëllimet e sinqerta familjes se elektricistit Zamir Velaj i cili humbi sot jetën ne një ngjarje kriminale ne fshatin Oblike te Shkodrës. OSHEE e denon me force këtë akt te rende qe kryhet ndaj një punonjësi te kompanisë ne krye te detyrës. Kërkojmë nga organet e drejtësisë ndëshkimin maksimal te autorit te kesaj vepre penale. OSHEE ka qene dhe do te jete prane cdo abonenti debitor me synim gjetjen e formave sa me lehtesuese te shlyerjes se detyrimeve te akumuluara. Gjithesesi, per asnje arsye OSHEE nuk do heqe dore nga konsolidimi i ligjshmerise ne konsumin e energjise elektrike., thuhet në reagimin e OSHEE-së.
Një ditë më parë 55-vjeçari Zamir Velaj, u plagos rëndë me thikë nga Martin Zefi dhe më pas ndërroi jetë në spitalin rajonal të Shkodrës./a.m.
