Një muaj nga vrasja e efektivit të RENEA- s, Ibrahim Basha në Lazarat, grupi hetimor u rikthye në fshat.
Rindërtimi i skenës së krimit ndaj Bashës dhe plagosjes së ty shokëve të tij, policë të RENA –s, Perlat Hamitaj dhe Jetmir Isaj, ishte qëllimi i hetuesve.
Drejtuar nga prokurorët Anton Martini, Ervin Kondini dhe Besim Hajdarmataj sëbashku me ekspertë të policisë improvizuan edhe njëherë skenën e ngjarjes, duke filluar nga vendi ky dyshohet se u qëllua automjeti i pablindur i efektivëve.
Në riekspertimin e vendit të ngjarjes nuk pati qitje, por për të zbuluar vendin nga u godit me armë Ibrahim Basha u përdor një aparat lazer.
Ibrahim Basha u ekzekutua më 24 qershor teksa futej në Lazarat për një operacion policor. Aty u plagosën edhe dy kolegët e tij që ndodheshin në makinë.
I arrestuar dhe i dyshuar për vrasjen është Arbjon Aliko, i cili ka mohuar sulmin ndaj policisë.
Dinamika e ngjarjes është ndërtuar në bazë të provave të mbledhura nga hetimet dhe dëshmitë e 12 personave të arrestuar, dy prej të cilëve kanë pranuar të bashkëpunojnë me prokurorët.
