Prokuroria do të kërkojë arrest me burg për dy të dyshuarit për vrasjen e të enjtes në Tiranë.
Po ashtu, prokuroria do të kërkojë arrest me burg edhe për Elvis Gaçajn, i dyshuar si shënjestra e këtij atentati.
Megjithatë Gaçaj, që mbeti i plagosur në atentat, ka mohuar që i njeh dy autorët e dyshuar të krimit Sael Sulaj dhe Vasiel Çavo.
Sipas Panoramës, ai ka deklaruar përpara prokurorëve se të shtënat mbi makinën e tij kanë qenë ngatërrim objektivi.
Nga atentati mbetën të vdekur Kevin Rugova dhe Aurora Oskian, kjo e fundit e dashura e Gaçajt.
Burime pranë prokurorisë thonë se Sulaj dhe Çavo kanë planifikuar vrasjen e Gaçajt për shkak të një konflikti për shpërndarjen e drogës në Tiranën e Re.
Policia ka gjetur një sasi droge në banesën e Gaçajt dhe ka arritur të nxjerrë nga lumi i Lanës armën e krimit.
