Policia e Vlorës ka ndaluar një person në lidhje me vrasjen e dyfishtë ndodhur në Vlorë pak ditë më parë në lagjen “Partizani” pranë një lokali bastesh.
Në datë 24 janë vrarë me automatik shtetasit Ilir Deromemaj, Dhimitër Çani dhe plagosur rëndë shtetasi K.R, banues në këtë lagje, i cili ndodhet në spital, nën kujdesin e mjekëve.
Në vendngjarje janë gjetur e bllokuar me cilësinë e provës materiale 26 gëzhoja e 3 predha armë zjarri, si dhe janë gjetur 2 gëzhoja, në mjetin tip “Fuoristradë” e vjedhur në Fier dhe mjeti tip “Ford Fokus”, të djegur, të cilat dyshohet se janë përdorur nga autorët.
Nga verifikimet rezulton se mjeti tip “Ford Fokus”, është poseduar e më pas është shitur te persona të paidentifikuar nga shtetasi Partizan Duraj, vjeç 42, banues në fshatin Frakull, Fier, i cili, u ndalua me iniciativë për veprën penale ’’Sigurimi i kushteve dhe i mjeteve materiale për të kryer vrasje”.
Punohet për dokumentimin e plotë të ngjarjes, identifikimin dhe kapjen e autorëve.
Materialet u referuan në Prokurorinë Rrethit Gjyqësor. Neni 78 e 278/5 dhe 80 të Kodit Penal./a.m.
