Në një zonë të izoluar mes shkurreve dhe pemëve të dendura, pas kërkimeve nga policia dhe pas 5 ditësh janë gjetur trupat e pajetë të 2 të rinjve në Malësinë e Madhe.
Mbi zhdukjen e tre të rinjve në Malësinë e Madhe, pas hetimeve dhe kërkimeve të uniformave blu, në një zonë të thellë të Malësi, dy orë larg fshatit Vrith, janë gjetur trupat e pajetë të dy prej tyre.
I treti besohet se i ka qëlluar ata për vdekje dhe është shpallur në kërkim. Nga hetimet paraprake, mësohet se autori është arratisur drejt Malit të Zi.
I pranishëm në operacionin e kërkimeve ishte edhe drejtori i Policisë së Shkodrës, Niko Brahimaj.
Dy viktimat janë Klement Pepaj dhe Vilson Çutaj, kurse autori dyshohet të jetë Daniel Pepaj.
Ndërkohë sipas burimeve nga fshati Vrith babai i Danjel Pepaj, Rrok Pepaj është ngujuar në shtëpinë e tij prej dy ditësh, pasi familja Çutaj i vendosi një ultimatum për të treguar çfarë ka ndodhur dhe mbi fatin e trupave të djemve të tyre.
Sipas burimeve kushërinjtë e Vilson Çutaj kanë ardhur nga jashtë Shqipërisë pas kësaj ngjarje të rëndë dhe policia përveç kërkimeve me dron, është kujdesur që të mos kishte përplasje mes familjeve.
Një ditë para zhdukjes, më 2 tetor 2020 Klement Pepaj dhe Vilson Çutaj kishin dhunuar fizikisht, Danjel Pepajn. Ata e akuzonin këtë të fundit se u kishte vjedhur 50 kg marijuanë.
Pas sherrit, mësohet se Danjeli i ka thirrur dy të rinjtë “për t’u sqaruar”, por ka gjetur një armë dhe më pas i ka vrarë ata në Malësinë e Vrithit.
Trupat e pa jetë të dy të rinjve janë gjetur pranë parcelës së kanabisit. Sipas hetimeve të deritanishme, sherri për kanabis është motivi i vetëm dhe shkak për vrasjen e Kelment Pepaj dhe Vilson Çuatj.
Trupat e tyre mësohet se janë gjetur në një distancë të largët nga njëri-tjetri.
Vendi ku u gjetën dy trupat e pajetë është dy orë larg qendrës së fshatit Vrith, fshat ku ata banonin.
Klement Pepaj dhe Vilson Çutaj u gjetën sot të pajetë në Pyllin e Vrithit, mbi një ngjarje që kishte ditë që lakohej dhe madje ishin denoncuar edhe parcelat me hashash në atë zonë.
Zona e pyllëzuar vështirësoi gjetjen e trupave të pajetë të të rinjve.
/a.r
