Në Gjykatën e Posaçme kundër Korrupsionit dhe Krimit të Organizuar (GJKKO) është zhvilluar sot nj tjetër seancë ku i penduari i drejtësisë, Nuredin Dumani ka vijuar dëshmitë e tij.
Gjatë seancës, u mor në pyetje Asllan Plaku, të cilin Dumani e akuzon se ka pasur rolin e vëzhguesit në vrasjen e Dorian Shkozës. Sipas dëshmisë së Dumanit, Plaku është paguar 50 mijë euro për ndihmën në atentat dhe ka përfituar gjithashtu një shumë parash shtesë si dhe një motor.
Në vijim të procesit, pritet edhe përballja mes Nuredin Dumanit dhe ish-të penduarit tjetër të drejtësisë, Henrik Hoxhaj, që pritet të hedhë dritë mbi të tjera detaje të aktivitetit kriminal ku janë përfshirë emra të njohur të botës së krimit në vend.
