Gjykata e Apelit të Krimeve të Rënda ka lënë në burg ditën e sotme Mario Meshinin, i cili u arrestua një ditë pasi u vra Devi Kasmi.
Edhe pse Meshini i ka mohuar akuzat, duke u shprehur se nuk ka lidhje me ngjarjen, gjykata ka vendosur burg për të.
Meshini u arrestua pasi nga kamerat e sigurisë doli se ishte i pranishëm në vendin e ngjarjes, kur u ekzekutua me armë Kasmi.
Po ashtu, në dëshminë e tij, Meshini është shprehur se me viktimën ka pasur miqësi, ndërsa natën e ngjarjes kishte shkuar për ta takuar për çështje personale.
Lidhur me ngjarjen, policia e Tiranës ka vënë në pranga një shtetas grek, si ekzekutor i Kasmit, ndërsa po ashtu janë vënë në pranga edhe disa persona të tjerë, të dyshuar si organizatorë të vrasjes së tij.
Devi Kasmi mbeti i vrarë në Janar të këtij viti, ku u qëllua për vdekje pranë banesë së tij. Pas kontrollit të banesë së tij, viktimës iu gjet një sasi e madhe kokaine.
