Gjykata e Apelit të Krimeve të Rënda ka vendosur që të shtyjë vendimin në 22 shkurt për të arrestuarit si të dyshuar për vrasjen e Devi Kasmit. Elton Hoxhallari, Elton Halipaj, Malvin Dinellari dhe Efthymios Efthimiou kërkuan nga gjykata e Apelit lirimin nga burgu, por gjykata vendosi shtyrjen e vendimit, pasi kishte bërë gabim njoftimet.
Efthymios Efthimiou, i akuzuar si dyshuar për ekzekutimin e Kasmit kërkon nga gjykata lirimin nga burgu në këmbim të garancisë pasurore
Sipas policisë, ish-agjenti special grek Eftimi Eftimius dyshohet si autor i ekzekutimit të Kasmit mbrëmjen e 29 janarit, ndërsa të arrestuarit e tjerë Elton Halipaj, Malvin Dinellari dhe Elton Hoxhallari, si organizatorë të krimit, si pjesë të grupit kriminal në ekzekutimin e Devi Kasmit.
Avokati i 43-vjeçarit grek ka apeluar vendimin e Gjykatës për Krime të Rënda.
Saimir Vishaj pretendon se organi i akuzës nuk ka sjellë prova të mjaftueshme që e lidhin klientin e tij, Eftimi Eftimius, me vrasjen e 41-vjeçarit Kasmi pranë Pediatrisë në kryeqytet.
Krimet e Rënda e lanë në “arrest me burg” Eftimiun, ndërsa ka dyshime se ai është paguar për vrasjen, duke marrë porosi nga bosët e kokainës, për eleminimin fizik të Kasmit.
