Vrasja e një deputeti lokal, mbështetës i emigrantëve në Gjermani, për të cilin u arrestua këtë fundjavë një person i dyshuar, me shumë mundësi lidhet me ekstremin e djathtë, njoftoi sot prokuroria kombëtare anti-terroriste.
Në fazën aktuale të hetimeve, ne nisemi nga parimi që ka dyshime për veprime të ekstremit të djathtë, për të zbardhur arsyet e vrasjes që tronditi opinionin publik, deklaroi për median zëdhënësi i prokurorisë.
Prokuroria e përgjithshme e Karlsruhe, kompetente në fushën e terrorizmit dhe të krimit të organizuar, bazohet veçanërisht, për të provuar këtë tezë, mbi të kaluarën e të dyshuarit, një person rreth të 45-ve i afërt me lëvizjen neonaziste dhe tashmë i dënuar për akte dhune, më konkretisht kundër një qendre migrantësh.
Hetuesit po përpiqen të zbulojnë nëse ka bashkëpunëtorë të tjerë, por për momentin nuk ka asnjë element që dëshmon se i dyshuari mund të ketë vepruar në kuadër të një grupimi të ekstremit të djathtë formuar për këtë qëllim. Marrë si referencë grupimin neo-nazist gjerman NSU, përgjegjës për vrasjen e disa emigrantëve në Gjermani që në fillim të viteve 2000.
/a.r
