Po zhvillohet sot seanca te Krimet e Rënda ndaj shtetasit Denis Shtraza, i cili akuzohet për rrëmbimin dhe vrasjen mizore të Gazmend Çollakut.
Nga ekspertiza mbi njollën e gjakut të gjetur në vendngjarje ka rezultuar se ajo nuk i përket viktimës, pra Çollakut. Gjithashtu, gjaku i gjetur në makinën e Dalipajt nuk përputhet as me gjakun e Shtrazës.
“Gjaku i Denis Shtrazës nuk përputhet me gjakun e gjetur në vendngjarje dhe gjakun e gjetur në makinën e Ervin Dalipajt. Policia gjyqësore ka ngatërruar mostrat e gjakut kur i janë marrë viktimës në morg. Gjaku i Çollakut të marrë në morg dhe në makinën e Dalipajt nuk përputhet me kodin gjenetik të nënës së viktimës, Nurije Çollaku.
I kemi ekspertuar shumë herë, por sërish të njëjtat rezultate. Gjakun nga morgu e ka marrë oficeri Alfred Hoxha, i cili dyshohet se është ngatërruar”, thonë ekspertët.
