“Që nga moment që u ndamë pasi kishte kryer krimin, nuk kam biseduar më dhe as nuk e kam takuar Janin.
Nuk e di se ku ndodhet, por nga disa miqtë e mi kam marrë vesh se ka kaluar jashtë vendit në mënyrë ilegale,” ka deklaruar dje Renato Milloshi, i dorëzuar vetë në Polici pas 10 muajsh në arrati, shpallur në kërkim si bashkëpunëtor në ekzekutimin e Elton Çiços një vit më parë.
Por sipas GSH, dyshimet e policisë bien mbi faktin se Jani Alia mund të fshihet në Greqi, vend ku mund të ketë qëndruar për disa kohë edhe Milloshi, edhe pse ai e ka mohuar këtë fakt.
Sipas Policise, Milloshin ishte personi që drejtonte mjetin me të cilin jani Alia shkoi për të kryer krimin dhe u largua me po me të njejtën makinë, e cila rezultoi të ishte blerë vetëm pak ditë para ngjarjes.
Milloshi tregoi se ishin “familjarët që më bindën që të dorëzohem. Deri tani kam qënë i fshehur në periferi. Për të mos u kapur, ndërroja banesat.”
Renato Milloshi është djali i Hysni Milloshit, ish-kryetarit të Partisë Komuniste.
Policia e Tiranës njoftoi se “më datë 27.02.2017, u krye ekzekutimi i vendimit penal i datës 24.05.2016, të Gjykatës Shkallës së Parë Tiranë, në të cilën ka vendosur masën e sigurisë “Arrest në burg” për shtetasin Renato Milloshi, 36 vjeç, banues në Tiranë, për kryerjen e veprës penale “Vrasje me paramendim” dhe “Prodhim dhe mbajtje pa leje e armëve luftarake dhe municioneve”, parashikuar nga Nenet 78 dhe 278/2 të Kodit Penal./b.d
