Nëna e Babis Anagnostopoulos, 33-vjeçarit që vrau bashkëshorten në prani të fëmijës 1 vjeç ka thyer heshtjen duke folur për televizionin grek “Star” për tragjedinë që u ndodhi. Ajo refuzoi të flasë për djalin e saj, që mbahet në burgun e Korydalos por tregoi se mbesën e saj e shikon shpesh e se ka një marrëdhënie shumë të mirë me familjen e Caroline.
“Ne e takojmë mbesën 5 ditë në muaj. Të dy familjet kemi respekt midis nesh”, tha nëna e Babis Anagnostopoulos.
Mirëpo, në varrin e Caroline është hequr shkrimi ‘bashkëshorte’, për të mos bërë asnjë lidhje me vrasësin, Babis.
Nëna e 33-vjeçarit tha se nuk ishte në dijeni për këtë zhvillim. “Nuk e di, nuk kam asgjë për të thënë,”
Babis Anagnostopulos u arrestua më shumë se një muaj pasi mbyti të shoqen në fillim të muajit maj, pasi u mundua ta fshihte krimin, duke sajuar një grabitje me protagonistë shqiptarë. Deri më tani, pista që qëndron ende është se piloti vrau të shoqen pasi kjo e fundit i kishte kërkuar divorcin. Piloti e ka pranuar krimin duke u shprehur se gjithçka kishte ndodhur pas një sherri në çift, por kurrë nuk ka folur për një bashkëpunëtor. Mesa duket ka pasur një të tillë, pasi Policia ka konfirmuar se zëri që bënte kërcënimet nuk ishte i Babis.
g.kosovari
