Është dënuar me burgim të përjetshëm, Huseyin Akkurt, një nga autorët e vrasjes së boksierit shqiptar, Besar Nimani më 9 Mars 2024, në Bielefeld të Gjermanisë.
Gjykata Rajonale e Bielefeldit dha dënimin me burgim të përjetshëm për 34-vjeçarin, të shpallur fajtor për vrasjen e Nimanit.
Avokatët e Huseyin Akkurt deklaruan se vrasësi nuk është klienti i tyre, por një person tjetër, i cili është shpallur në kërkim dhe ndodhet në arrati.
Huseyin Akkurt akuzohet se në bashkëpunim me një person tjetër, kanë vrarë boksierin shqiptar, ndaj të cilit kanë qëlluar 15 herë me armë.
Gjyqi për këtë vrasje kishte nisur nga muaji Janar i këtij viti, ndërsa në Shkurt pas seancës gjyqësore kishte të shtëna me armë, ku mbetën të plagosur babai dhe vëllai i Huseyin Akkurt.
