Shqiptari Armando Beqiri, i cili u qëllua për vdekje jashtë shtëpisë së tij në Rauoageroi të Islandës mbrëmjen e 13 shkurtit, mori nëntë plagë me armë zjarri, duke përfshirë plagë në organe vitale, kokë dhe bust, sipas një raporti paraprak pas ekzaminimit mjeko-ligjor. Në vendin e vrasjes u gjetën nëntë gëzhoja.
Arma nuk është gjetur, por gazetat e gjykatës zbulojnë se policia ka marrë shumë informata dhe informacione për të dhe vendndodhjen e saj të mundshme.
Policia bëri thirrje për anulimin e avokatit të shtetit Steinberg Finnbogason si avokat mbrojtës i njërit prej të dyshuarve. I dyshuari në fjalë është një islandez në të 40-at e tij, thuhet se është i njohur në botën e krimit. Dëshmitë sugjerojnë se ai ka një lidhje me vrasjen, thonë gazetat e gjykatës.
Beqiri u vra pasi parkoi makinën e tij në garazh, dhe po i drejtohej derës kryesore të banesës ku e priste gruaja shtatzënë me fëmijën 15 muajsh. Pista kryesore është ajo e larjes së hesapeve.
g.kosovari
