Familja e Gjerogjia Muratit, 41-vjeçares së vrarë nga partneri i saj grek, janë ende të shokuar nga fatkeqësia që i përfshiu. Në një tjetër deklaratë, ata kanë përshkruar dhimbjen, ndërsa vrasjen makabre të së bijës e konsiderojnë si pasojë e një urrejtje të thellë të autorit.
Familja deklaroi mëngjesin e kësaj të hëne se 41-vjeçare u vra nga partneri, në bashkëpunim edhe me shokun e tij, tanimë të dy të arrestuar.
Avokatja që përfaqëson familjen e viktimës tha se në shtëpinë e Gjeorgjisë janë gjetur disa materiale, të cilat tregojnë se çfarë kishte ndodhur gjatë gjithë kësaj kohe që 41-vjeçarja ishte në një lidhje me partnerin e saj të akuzuar.
“Këto elementë tregojnë sjelljen manipuluese të këtij njeriu ndaj Gjeorgjisë dhe një “shpëlarje truri” e përgjithshme që kishte krijuar një varësi emocionale absolute”, theksoi përfaqësuesja ligjore.
Sa i përket mënyrës se si e humbi jetën, ajo theksoi se plagët e saj janë pasojë e urrejtjes së autorëve.
“Ajo që familja di nga njerëzit që panë trupin e saj, është se lëndimet ishin veçanërisht të rënda dhe mjaft mizore. Vrasja e saj u bë me një formë që dëshmon se ka pasur urrejtje. Kjo tregon intensitetin e lëndimeve. Edhe rruaza e qafës së mitrës u shkatërrua, përtej zonës së qafës së mitrës”.
Dy të arrestuarit po hetohen dhe pritet të marrin dënimin për një sërë veprash të rënda penale, si vrasje me paramendim në rrethana cilësuese, ndërprerje me dhunë të shtatzënisë, grabitje (të gjitha në bashkëpunim), si dhe për armëmbajtje pa leje dhe përdorim të paligjshëm.
Fillimisht partneri 39-vjeçar i shqiptares këmbënguli se ai nuk kishte asnjë përfshirje në vrasje dhe se ishte në gjumë natën fatale.
“Gjeorgjia ishte i vetmi person që kisha në botë. Nuk do të rrëfej për diçka që nuk e kam bërë. Atë natë mora tre pilula gjumi dhe nuk kuptova asgjë, të nesërmen u zgjova në mëngjes. Nuk jam unë ai që paraqitet në video ”, tha ai përballë fakteve që dëshmonin lëvizjet e tij para dhe pas vrasjes.
Sipas informacioneve, hetuesi e ka pyetur disa herë dhe është fokusuar tek shtatzënia e 41-vjeçares, ku ai ka argumentuar se fillimisht nuk ka qenë dakord me ndërprerjen e shtatzënisë, siç viktima ka dashur, por do mbështeste vendimin e saj.
/a.r
