Pas atentatit të ndodhur mbrëmjen e sotme në autostradën Vlorë-Fier, ku 30-vjeçari Kristjan Marku është ekzekutuar me kallashnikov brenda makinës së tij tip “Volkswagen”, është gjetur edhe një makinë e djegur.
Report Tv ka siguruar pamjet nga makina që dyshohet e autorëve, pak metra më larg vendit ku ndodhi atentati.
Kush është 30-vjeçari i vrarë?
Kristjan Marku i njohur si Kristjan Bashaj, rezulton me precedent vrasje me dashje e mbetur në tentativë dhe armëmbajtje pa leje. Nga raportimet e burimeve ka të regjistruar 2 precedent penale. 26 mars 2023 ka patur bashkë me një tjetër të shtëna me armë në Mirditë, për këtë është në akuzë. Bëhet fjalë dhe për një tjetër ngjarje, e regjistruar më vonë, në vitin 2024 teksa bëhet me dije se në Kurbin ka patur një tentativë për të dhunuar persona të tjerë. Kjo ka qenë përfshirja e personazhit që nuk mundi të mbijetojë. Hetimet e policisë, janë drejtuar nga e shkuara e personazhit me precedent. Në vijim pritet qasje më e plotë e rastit të tij. Nëse ka patur konflikt që ka shkuar deri në eliminimin fizik.
Në vendngjarje kanë shkuar shërbime të Policisë së DVP Vlorë dhe grupe të Forcës Kombëtare të Sigurisë Njësia Fier. Vijon krehja e zonës dhe kontrollet për kapjen e autorëve.
Është ngritur një grup i posaçëm hetimor dhe, nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.
