Policia e Tiranës ka dalë me një njoftim zyrtar lidhur me vrasjen e ndodhur mbrëmë në mesnatë në kryeqytet ku humbi jetën një 29-vjeçar. Mësohet se rreth orës 00:20 në rrugën “Irfan Tomini”, shtetasi Jurgen Duka (M)., është konfliktuar me një person ende të paidentifikuar.
Ky i fundit ka qëlluar me armë zjarri në drejtim të 29-vjeçarit Jurgen Duka, dhe si pasojë e plagëve të marra ai ka ndërruar jetë në spitalin e Traumës. “Blutë” kanë marrë në pyetje një shok të të ndjerit dhe persona të tjerë që ndodheshin në vendngjarje.
Tiranë/Informacion paraprak
Me datë 14.12.2021, rreth orës 00:20, në rrugën “Irfan Tomini”, shtetasi J.D. (M)., është konfliktuar me një person ende të paidentifikuar.
Personi ende i paidentifikuar ka qëlluar me armë zjarri ku ka mbetur i plagosur shtetasi J. D. (M)., rreth 29 vjeç. Si pasojë e plagëve të marra, shtetasi J. D. (M)., ka ndërruar jetë në Spitalin Universitar të Traumës.
Shërbimet e Policisë kanë kaluar menjëherë në vendngjarje, dhe Grupi hetimor, nën drejtimin e Prokurorisë ka sekuestruar prova materiale që shërbejnë për të identifikuar autorin e ngjarjes.
Janë marrë në pyetje shoku i shtetasit J. D. (M)., dhe persona të tjerë në vendngjarje.
Vijon puna për identifikimin e kapjen e autorit.
g.kosovari
