Vrasja e 22-vjeçares shqiptare nga ish i dashuri në Itali ka tronditur opinionin publik dhe jo vetëm. Avokati, Artur Rexho, tha ‘Sot Live në Shqipëri’ se kishte kohë që e njihte familjen e vajzës.
Edhe pse akoma nuk janë konfirmuar shkaqet që e kanë çuar 23-vjeçarin të kryej këtë akt kriminal, Sula thotë se ndër hipotezat është edhe xhelozia pas ndarjes.
“Po unë njihja prindërit e vajzës. Jetojmë në një qytet të vogël. Vajza ishte me studime në Terni, vinte një herë ose dy herë në javë.Në bazë të njoftimit që kemi, flitet se kanë qenë për motive të dobëta, nga xhelozia. Prindërit kanë mbi 20 vite që jetojnë në Itali. E kam njohur vajzën”, tha Sula.
Më tej ai thotë për gazetarin Nertil Agalliu se ka komunikuar me xhaxhain e të resë, ndërsa thekson se pas kësaj ngjarje qytetarët nuk ndihen të sigurt
“Lajmi i djeshëm është një tronditje për të gjithë. Qytetarët nuk ndihen të sigurt. Kam komunikuar me xhaxahin ku dhe i shpreha ngushëllimet. Jetoj këtu që prej 90’. Komuniteti shqiptar këtu është mjaft i madh”, përfundoi avokati teksa tha se policia ende nuk ka dhënë versionin zyrtar për vrasjen e Ilarias.
