Eksperti i kriminalistikës, Ervin Karamuço, ka zbardhur detaje të reja në lidhje me grupin kriminal me vrasës me pagesë me bazë në Durrës, të zbuluar ditën e sotme.
I ftuar në “ZonaZero” për gazetarin Thimi Samarxhiu, Karamuço bëri me dije se në ditët në vijim mund të kemi arrestime të tjera në lidhje me depon e armëve të zbuluar nga Policia.
“Kemi të penduar që kanë filluar të flasin, në ditët në vijim mund të kemi arrestime të tjera në lidhje me depon e armëve”, ka paralajmëruar Karamuço.
“Ngjarjet janë të lidhura, grupet kanë punuar në zonën e “5 majit”. Ata po japin prova dhe dëshmi për drejtësinë në lidhje me atentatet e ndodhura.
Mungesa e një përgatitje dhe e burimeve financiare tek ta, ka sjellë që të kontaktojnë me persona “të lartë” sesi të organizohen, të bëhen një grup i madh në lidhje me gjetjen e targave, armëve, etj.
“Vrasësit me pagese marrin një shkollë, nga grupe terroriste, apo agjentura ruse. Kanë marrë ish-ushtarakë për përkujdesjen e armëve apo sigurmit të tyre,”- tha Karamuço për “ZonaZero”./m.j
