Gjykata e Tiranës ka vendosur të refuzojë kërkesën e Prokurorisë për ekstradimin në vendin e tij të një shtetasi egjiptian të arrestuar në Rinas në 22 Maj të këtij viti.
Mohamed Rageh, 50 vjeç hyri në vendin tonë nga Turqia, por ndaj tij kishte një urdhër arresti ndërkombëtar pasi në vendin e tij akuzohej për një vrasje.
Pas marrjes së kontakteve me autoritetet egjiptiane, këto të fundit kërkuan ekstradimin.
Por gjykata argumentoi se në Egjipt vijon të jetë në fuqi dënimi me vdekje dhe 50-vjeçari rrezikonte dënimin kapital.
Për këtë arsye gjyqtari Artan Gjermeni vendosi të refuzojë ekstradimin.
Në Egjipt Mohamed Rageh ishte ushtarak dhe ekspert në inxhinierinë e komunikimit.
/a.r
