Policia Rrugore e Tiranës vijon gjobitjen, ndalimet dhe arrestimet e drejtuesve të makinave që shkelin rregullat e qarkullimit. Mbrëmë është regjistruar duke lëvizur me shpejtësi mbi 212 km/h një i ri në autostradë, i cili është arrestuar.
“Në një trafik me kaq shumë lëvizje, në kushte të lagështirës në rrugë dhe shumë faktorëve të tjerë dhe të guxosh të qarkullosh me shpejtësi 212 km/orë, kjo është vetëvrasje, për drejtuesin e mjetit, por edhe rrezik i madh për të gjithë përdoruesit e rrugës.
Pavarësisht se 24 vjeçari H.N, nga Tirana drejtonte një automjet Benz 320, kjo nuk do të thotë se makina luksoze duhet të fluturojë, e të rrezikojë jetën e përdoruesve të rrugës. Qarkulloni duke respektuar rregullat e qarkullimit rrugor, që të gjithë së bashku, policë rrugorë, drejtues mjetesh e këmbësorë të kontribuojmë që të rritet siguria e jetës në rrugë” thotë policia
Ndërkohë kontrolle janë zhvilluar edhe në rrugët brenda kryeqytetit. Policia gjithmonë bën apel për të mos drejtuar automjetin në gjendje të dehur. Pavarësisht se masat janë rritur, numri i aksidenteve në vend mbetet ende i lartë.
https://www.facebook.com/1502420603377639/videos/2121658924787134/
