Nëse Dan Hutra do të ishte dënuar me burgim të përjetshëm pas vrasjes së parë, e masakra e 1 marsit në Paskuqan nuk do të kishte ndodhur.
Sociologu Zyhdi Dervishi shikon si zgjidhje për mos përsëritjen e këtyre rasteve vetëm forcimin e ligjit.
Dan Hutra me veprimet e tij, tregoi se ishte i mirëorganizuar dhe se asgjë nuk do e ndalte për të kryer misionet që i kishte vënë vetes.
Parë nga një sociolog, ai mund të konsiderohet si një person mizor i cili kënaqet me dhimbjen e tjetrit, por kurrsesi, thotë Dervishi, nuk ka patur gjendje psikopatie.
“Nuk është e thënë të jetë psikopat. Ai ka marrë gjithë ato vendime të mirëmenduara. Mund të jetë sadist,” tha ai.
Fakti që është kujdesur të mos sulmojë policinë tregon se ai ka frikë nga kundërsulmi i bluve dhe se rikthimi në burg nuk e tremb.
“Një njeri që ka profil të çoroditur i sulmon dhe policët. Ai nuk e bëris epse nëse do ti sulmonte ata në kushtet e vetmbrojtjes do ta vrisnin,” tha ai.
Sipas Dervishit, vrasja e grave do të thotë një mosrespekt edhe i Kanunit.
“Me Kanun jo vetëm që nuk e vrisje dot, por si thojë dot një fjalë në rrugë. Ne kemi tejkaluar anët negative të Kanunit,” tha ai.
Sociologu Zyhdi Dervishi përgjegjëse bën edhe shoqërinë./m.j
