Një vrasës me pagesë është bërë “gazi i botës”, pas postimit të një videoje në internet që po bën xhiron e internetit, ku shfaqet momenti kur ai vazhdimisht qëllon mbi objektivin që çuditërisht nuk goditet nga asnjë plumb, edhe përkundër faktit që qëllohet nga një distancë shumë e shkurtër.
Kamerat e sigurisë kanë filmuar momentin e sulmit, teksa vrasësi me pagesë futet në një zyre në Santa Clara afër qytetit Rio de Janeiro, Brazil.
Me të futur në zyrë, vrasësi nxjerr revolen dhe fillon të qëllon mbi objektivin që e kishte vetëm dy metra larg, por që çuditërisht del huq sa herë që shtie me armë.
Objektivi pasi e kupton që vrasësi me pagesë nuk është i aftë në përdorimin e revoles, fshihet prapa tavolinës dhe karriges të cilat i përdor si mburojë.
Në videon e postuar në internet, shihet vrasësi duke qëlluar gjashtë herë me revole, ku asnjë nga këta plumba nuk e godet objektivin.
